ល្បីខ្លាំងមែនទែន កាសែតបរទេសចុះផ្សាយ វណ្ណដា ស្លៀកសម្លៀកបំពាក់ប្រពៃណីខ្មែរសម្តែងក្នុងពិធីបិទអូឡាំពិកទីក្រុងប៉ារីសឆ្នាំ 2024

 

"Super Star មកពីប្រទេសកម្ពុជា Vann Da - វណ្ណដា សម្តែងក្នុងពិធីបិទអូឡាំពិកទីក្រុងប៉ារីសឆ្នាំ 2024 គាត់ស្លៀកប្រពៃណីខ្មែរ

ក្នុងចំណោមប្រទេសទាំង២០៦ ដែលចូលរួមក្នុងព្រឹត្តិការណ៍អូឡាំពិកឆ្នាំ២០២៤ កម្ពុជាមកសម្ដែងក្នុងព្រឹត្តិការណ៍ដ៏អស្ចារ្យនេះ។ អស្ចារ្យប៉ុណ្ណាទៅ?

ពួកយើងមានមោទនភាព" នេះជាអត្ថបទចុះផ្សាយរបស់គេហទំព័រ ASEAN Society & Culture

ចំពោះកាសែត Leparisien បានចោតជាសំនួរថា តើតារារ៉េបខ្មែរ វណ្ណដា ឡើងឆាកនរណា?

កាសែតនេះបន្តពោលសសើរវណ្ណដា ថាជាអ្នកល្បីខ្លាំងនៅអាស៊ីអាគ្នេយ៍ ដោយមានអ្នកជាវ 4 លាននាក់នៅលើយូធូប Vannda គឺជាតារាចម្រៀងរ៉េបជនជាតិខ្មែរអាយុ 27 ឆ្នាំដែលច្រៀងលាយភាសាអង់គ្លេស និងខ្មែរនៅក្នុងអត្ថបទចម្រៀងរបស់គាត់។

 

កម្ពុជាជាប្រទេសសម្បូរយុវជននិងយុវនារី (៧០%នៃប្រជាជនខ្មែរមានអាយុក្រោម៣០ឆ្នាំ)។ ម្ល៉ោះហើយ ដើម្បីព្យាករមើលអនាគតនៃប្រទេសមួយនេះ គេតែងចាប់អារម្មណ៍ជាពិសេសទៅលើ«ទំពាំងស្នងឫស្សី»។ គុណភាពនៃយុវវ័យ អាចស្តែងឡើងលើគ្រប់វិស័យ, ដូចជាចំណេះដឹងនិងជំនាញ ពិសេស ផ្នែកវិទ្យាសាស្ត្រ និងសេដ្ឋកិច្ចហិរញ្ញវត្ថុ, ព្រមទាំងសិល្ប:ដែលជាព្រលឹងជាតិនិងដែលត្រូវតែរស់រវើក សម្បូរបែប ប្រកបដោយគំនិតច្នៃប្រឌិតខ្ពស់។ វណ្ណដាជាសិល្បករដែលមានគុណសម្បត្តិអស់ទាំងនេះ។

ព្រឹត្តិការណ៍កីឡាពិភពលោក អូឡាំពិក ឆ្នាំ២០២៤ នៅប្រទេសបារាំង បានបិទបញ្ចប់ជាផ្លូវការហើយ បន្ទាប់ពីដំណើរការប្រកួតតាំងពីថ្ងៃទី២៦ ខែកក្កដា រហូតដល់ថ្ងៃទី១១ ខែសីហា។