គេហទំព័រ សង្ខេប

ចាប់ពីសប្តាហ៍ក្រោយទៅ មន្រ្តីជំនាញឯកទេសខាងផ្នែកដាំដុះដំណាំបន្លែរបស់ក្រសួងកសិកម្ម នឹងមកស្នាក់នៅប្រចាំការផ្ទាល់រយៈពេល១ខែ នៅក្នុងកសិដ្ឋានរបស់សហគមន៍កសិកម្មទំនើប«បន្លែផ្ទះសំណាញ់ត្រាំកក់»។
ការធានាអះអាងនេះធ្វើឡើងដោយ ឯកឧត្តម ហ៊ាន វណ្ណហន រដ្ឋលេខាធិការទទួលបន្ទុកការងារដំណាំសាកវប្បកម្ម ដែលបានដឹកនាំក្រុមមន្ត្រីអ្នកជំនាញ និងអ្នកបច្ចេកទេស ដើម្បីស្វែងយល់ពីតម្រូវការគាំទ្រខាងផ្នែកបច្ចេកទេស និងផ្តល់ការបង្ហាត់បង្រៀន ជួយដោះស្រាយបំពេញបន្ថែមរាល់ចំណុចខ្វះខាត និងបញ្ហាប្រឈមរបស់សហគមន៍ក្នុងការធ្វើផលិតកម្មបន្លែរបស់ខ្លួន។
ការទទួលបានការគាំទ្របច្ចេកទេសកម្រិតសហគមន៍ដោយផ្ទាល់ពីក្រសួងកសិកម្ម គឺជាអត្ថប្រយោជន៍មួយទៀតនៃការចូលរួមជាមួយសហគមន៍កសិកម្មទំនើប ក្រៅពីការទទួលបានដើមទុន ទីផ្សារ និងការកាត់បន្ថយថ្លៃដើមផលិត។