តាមការលើកឡើងរបស់ឯកឧត្តម ហ្សង់ ហ្រ្វង់ស័រ តាន់ បានរៀបរាប់ថា ឯកឧត្តម ប៉ែន បូណា ខ្ញុំ សុទ្ធតែជាអ្នកចេះដឹងដែរ គឺជាមនុស្សក្បត់ជាតិ លក់ក្បាល លក់ខ្លួ ន ពីព្រោះអ្វី ពីព្រោះពួកខ្ញុំទាំង២នាក់ មិនជ្រើសរើសនៅជាមួយពួកជ្រុលនិយម បានន័យថាពួកជ្រុលនិយម និងប្រជានិយមអស់នេះ កំណត់សិទ្ធិរបស់ខ្ញុំ ខ្ញុំអត់មានសិទ្ធិស្នេហាជាតិទេ ខ្ញុំអត់មានសិទ្ធិអះអាងថាខ្ញុំជាតិនិយមទេ ខណៈអំឡុងពេល៣០ឆ្នាំចុងក្រោយនេះ ខ្ញុំបានចែកចាយ ចែករំលែក សុទ្ធតែចំណេះដឹង ដល់យុវជន ដល់សង្គមខ្មែរ ក្នុងពេលដែលពួកគេចែកចាយអ្វី ពាក្យសំអប់ កំហឹង ការវែកញ៉ែកអោយឆ្ងាយពីគ្នា រវាងស្រទាប់វណ្ណៈមួយ និងស្រទាប់វណ្ណៈមួយទៀត បង្កអោយមានបញ្ហារវាងខ្មែរនិងខ្មែរ ហើយថ្ងៃនេះគាត់មកចោទ រាជរដ្ឋាភិបាល មកចោទពួកខ្ញុំទាំង២នាក់ ដែលចូលរួមក្នុងរាជរដ្ឋាភិបាល ដែលចង់ជៀសវាងជំហជ្រុលនិយម ថាពួកខ្ញុំមិនមែនជាអ្នកស្នេហាជាតិទេ ពួកខ្ញុំអត់មានសិទ្ធិស្នេហាជាតិទេ មើលភ្នែកខ្ញុំអោយមែនទែន ខ្ញុំក៏ជាពលរដ្ឋម្នាក់ដែរ ខ្ញុំរស់នៅបរទេស៣០ឆ្នាំ ធ្វើការអោយបរទេស៣០ឆ្នាំក្នុងវិទ្យុបារាំងអន្តរជាតិ ធ្វើការអោយបរទេសដើម្បីបំរើប្រយោជន៍ខ្មែរ ផ្សព្វផ្សាយព័ត៌មានដើម្បីបំរើប្រយោជន៍ខ្មែរ ថ្ងៃនេះគេមកជេរពួកខ្ញុំ ថាខ្ញុំលក់ឩត្តមគតិ ក្បត់ជាតិ អត់មានសិទ្ធិឈរនៅខាងអ្នកជាតិនិយម អត់មានសិទ្ធិឈរនៅខាងអ្នកស្នេហាជាតិទេ។
