ខេត្ដកំពង់ស្ពឺ៖ យុវជនម្នាក់មានបណ្ដាញហ្វេសប៊ុកឈ្មោះ ដា សុវណ្ណមករា ជាសិស្សថ្នាក់ទី១២ រៀននៅសាលាមួយក្នុងខេត្តកំពង់ស្ពឺ បានចែករំលែកនូវសារមួយដែលមានខ្លឹមសារអំពាវនាវ អោយពលរដ្ឋចូលរួមបាតុកម្មប្រឆាំងរដ្ឋាភិបាលស្របច្បាប់ និងបានអំពាវនាវអោយយុវជន និងអ្នកចូលរួមគាំទ្របាតុកម្មប្រឆាំងផ្ដួលរំលំរាជរដ្ឋាភិបាលកម្ពុជា និងទាមទារអោយរាជរដ្ឋាភិបាលលុបគម្រោងអភិវឌ្ឍន៍រួមគ្នានៅតំបន់ត្រីកោណ CLV (DTA) និងបានញុះញង់ជឿតាមជនជ្រុលនិយមដែលជាមេក្លោងជនក្បត់ជាតិ៣ជំនាន់ អោយត្រៀមចូលរួមបាតុកម្មនៅថៃ្ងទី18.08.2024ខាងមុខនេះ។
យុវជនដែលញុះញង់ឲ្យមានការចូលរួមបាតុកម្មមានឈ្មោះ ធឹម មករា បានទទួលស្គាល់ថា ខ្លួនពិតជាបានធ្វេីសកមមភាពគៀងគរនិងញុះញង់អោយមានការតវ៉ាប្រឆាំងជាមួយរាជរដ្ឋាភិបាលកម្ពុជាអោយមានផ្លាស់ប្ដូរពិតប្រាកដមែនដោយយកតាមយុវជននៅក្រៅប្រទេស បច្ចុប្បន្នសមត្ថកិច្ចបានដំណេីរការកសាងសំណុំរឿងបញ្ជូនទៅអយ្យការធ្វើការចោទប្រកាន់ ពីបទរួមគំនិតក្បត់ ដែលត្រូវបានឃុំខ្លួនដាក់ពន្ធនាគារ ។
ប្រភពពី ស្នងការដ្ឋាននគរបាលខេត្តកំពង់ស្ពឺ
