.jpg)
.jpg)
នៅថ្ងៃទី១៧ ដល់ថ្ងៃទី១៨ ខែមេសា ឆ្នាំ២០២៥ ព្រះរាជាណាចក្រកម្ពុជា និងប្រជាជនខ្មែរទូទាំងប្រទេស មានសេចក្តីសោមនស្សរីករាយ និងសូមស្វាគមន៍យ៉ាងកក់ក្តៅចំពោះដំណើរបំពេញទស្សនកិច្ចផ្លូវរដ្ឋរបស់ឯកឧត្តម Xi Jinping ប្រធានាធិបតីនៃសាធារណរដ្ឋប្រជាពលរដ្ឋចិន។ ដំណើរទស្សនកិច្ចនេះ គឺជាព្រឹត្តិការណ៍ប្រវត្តិសាស្ត្រដ៏សំខាន់មួយ ដែលនឹងរួមចំណែកពង្រឹង និងពង្រីកចំណងមិត្តភាពជាប្រពៃណីដ៏រឹងមាំរវាងប្រទេសទាំងពីរ។
ក្នុងអំឡុងពេលនៃដំណើរទស្សនកិច្ចរយៈពេល២ថ្ងៃនេះ ឯកឧត្តម Xi Jinping នឹងចូលគាល់ព្រះករុណាជាអម្ចាស់ជីវិតលើត្បូង និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ នៅព្រះបរមរាជវាំង។ ជាមួយគ្នានេះ ឯកឧត្តមក៏នឹងធ្វើកិច្ចពិភាក្សាជាមួយសម្តេចតេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ កិច្ចពិភាក្សានេះនឹងផ្តោតលើការពង្រឹងទំនាក់ទំនងទ្វេភាគី ព្រមទាំងផ្លាស់ប្តូរយោបល់លើបញ្ហាតំបន់ និងអន្តរជាតិដែលមានការចាប់អារម្មណ៍រួម។
ទំនាក់ទំនងរវាងកម្ពុជា និងចិន បានកសាងឡើងជាយូរលង់ណាស់មកហើយ ដោយឈរលើមូលដ្ឋាននៃការគោរពគ្នាទៅវិញទៅមក និងផលប្រយោជន៍រួម។ ដំណើរទស្សនកិច្ចនេះ នឹងក្លាយជាចលករដ៏សំខាន់ក្នុងការជំរុញកិច្ចសហប្រតិបត្តិការលើវិស័យនានា ដូចជាសេដ្ឋកិច្ច វប្បធម៌ និងការអភិវឌ្ឍហេដ្ឋារចនាសម្ព័ន្ធ ដើម្បីនាំមកនូវភាពសម្បូរសប្បាយ និងវឌ្ឍនភាពជូនប្រជាជននៃប្រទេសទាំងពីរ។
ប្រជាជនខ្មែរទន្ទឹងរង់ចាំស្វាគមន៍ឯកឧត្តម Xi Jinping ដោយទឹកចិត្តប្រកបដោយភាពស្និទ្ធស្នាល និងមោទនភាព។ យើងជឿជាក់ថា ដំណើរទស្សនកិច្ចនេះនឹងបន្សល់នូវស្នាមភាពជោគជ័យ និងជាចំណុចរបត់ដ៏សំខាន់មួយទៀតក្នុងទំព័រប្រវត្តិសាស្ត្រនៃមិត្តភាពកម្ពុជា-ចិន។
សូមជូនពរដំណើរទស្សនកិច្ចផ្លូវរដ្ឋរបស់ឯកឧត្តមប្រធានាធិបតី Xi Jinping ទទួលបានជោគជ័យជាស្វ័យប្រកាស និងនាំមកនូវផលប្រយោជន៍ដ៏ធំធេងសម្រាប់ប្រទេសទាំងពីរ!
